Motivation Guru Aur ImagesBazaar Ke Founder Sandeep Maheshwari Ki Real Life Success Story - Biography



Sandeep maheshwari,ye insaan aapki zindagi badal sakta hai.Sandeeep maheshwari ek aesa insaan hai jinko janke ham apni zindagi or khud ko hamesha-hamesha ke liye badal sakte hai.
"Badi-Badi Baate Sab Karte Hai,Lekin Bade-Bade Kaam Bahot Kam Karte Hai".

Sandeep Maheshwari Ki Profile

Motivation Guru Aur ImagesBazaar Ke Founder Sandeep Maheshwari Ki Real Life Success Story

Name: Sandeep Maheshwari
Birthdate:28 Sept,1980
Place:Delhi
Age:35 Yr.
Education:College Dropout,B.com Ki Padhai Adhuri Chod Di


Awards Achievement

  • Awards and recognition creative entrepreneur of the year 2013 by entrepreneur india summit.
  • One of indias most promising entrepreneurs by "bussiness world magazine'.
  • Star youth achiever award instituted by the global youth marketing forum.
  • Young creative entrepreneur award by british high comission.
  • Pioneer of tomorrow award by the "ET NOW"television channel.
Kyo Famous hai? Apni company Imagesbazaar.com ke liye,Aur usse adhik apni motivational seminars ke liye,Jinhe aap Youtube par dekh sakte hai.Sandeep maheshwari ne apni life changing seminars aur youtube cahnnel ke through lakho-karodo logo ko ek behtar zindagi jine ke liye Inspire kiya hai.


Also Read : 10 Aisi Batein Jise Jan Kar Aap Kisi ka Bhi Dil Jeet Sakte Hai

Sab Kuch Aasaan Hai

Dosto,jab koi sadharan insaan kuch bada karta hai toh apne aap hi voh hamare-aapke jaise common logo ke liye prerna ka ek strot ban jata hai.Kyoki usse dekh kar lagta hai ki'Yaar ae toh bilkul apni tarah ka banda hai,Aur jab ye kar sakta hai toh ham kyo nahi?'Sab aasaan hai.Sandeeep maheshwari bhi bilkul vaisa hi banda hai.Middle class family ka ek aam sa ladka jisne kuch bada kiya aur jo hame bhi apni life me kuch bada karne ki prerna deta hai.

Must Read : Internet Se Paise Kamane Ke 8 Aasaan Tarike

Sandeep Maheshwari Ki Inspirational Story

Motivation Guru Aur ImagesBazaar Ke Founder Sandeep Maheshwari Ki Real Life Success Story


Delhi ka ek middle class ka ladka ,kirae ke do kamre ke chote se makaan me rehta tha.Jab bahut chota tha tab pados ke ek bache ke pas lal cycle dekh kar man machal gaya,fir pita se cycle dilane ki jid ki.Jawaab aaya "Mai koi tata-bidla nahi jo iski sari farmaishe puri karta rahu".Maa se pucha ye tata bidla kya hota hai ? "Ye aise log he jiske pas dher sare paise hote hai".Ab bache ne faisla kiya ki voh bada hokar tata bidla banega.magar log uska majaak udane lage.

Jawaani Me Struggle Karna Sikh Liya

Jab sandeep 15-16 saal ke the tab unke parivaar par ek badi musibat aa gayi,Unke pita ka aluminium ka bussiness Partner se hui kuch anban ki vajah se voh bussiness chodna pada.Ye ek bada sankat tha.Jab paisa kam hota hai to pareshaniya adhik ho jati hai.Sandeep ka parivaar bhi pareshaniyo se zhoojh raha tha.

Pitaji bhi depression me rehne lage.Sandeep ko laga ke kuch karna chahiye voh parivaar ke sath milkar chote-bade kaam karne lage.Maa ne khajoor ke pan banaye unhe sandeep ne bechne ki koshish ki,nahi bike-Failure.
STD-PCO chalane ka prayas kiya nahi chala-Failure
Call centre aur idhar-udhar interview diye kahi bhi selection nahi hua-Failure
Har tarf nirasha,disappoinment,ummid ki koi kiran nahi,tata-bidla bane ka khwab dekhne wala ladka ab 5-6 hajaar ki naukri ke bare me sochne laga.

Also Read : Facebook Se Paise Kaise Kamaye

Sandeep Maheshwari Ki LIfe Ka Turning Point

Jab voh 18 saal ke the tab kisi ke bulane par ek MLM company ki seminar me gaye.3 ghante me vaha unhe kuch samajh nahi aaya lekin ant me jab ek ladke ne stage par khade hokar bataya ki umar 21 saal hai aur voh mahine ka 2.5 lakh kamata hai,toh unke pairo tale ki jameen khees gayi.Unhone socha,Jab is 21 saal ke ladke ke liye mahine ka 2.5 lakh kamanaa aasaan hai toh unke liye bhi hai.Jab ye kar sakta hai toh mai bhi kar sakta hu.Aur achanak aayi is belief ne sandeep ki life hamesha hamesha ke liye badal di.Sandeep MLM company me successful hone ke liye ji jaan se jut gaye,Par safal na ho paye.Ek baar fir Failure ka samna karna pada lekin is baar ki asaflta se ve nirash nahi huye.Ye kaam unhone dusre ki motivation se kia tha apni desire nahi thi.

Modeling Ki Duniya Se Jude Sandeep

Sandeep jald hi kuch aur karna chahte the socha modelling kar leta hu.Sandeep ne college level par modeling shuru ki.Thoda ghuse toh pata chala har dusra aadmi model bana chahta hai.Sandeep yha bhi safal na ho paye lekin is field me jana unki aage wali life ko badlne wala tha,Sandeep modeling world ki bhot sari baate samajhne lage the.Us vaqt Kafi froud agencys thi jo model ko sirf loot rahi thi.Tab sandeep ko man me aaya ki models ki liye kuch kiya jaye.Fir ek din unka ek model dost apna portfolio lekar aaya uski images dekhkar sandeep bhot exited ho gaye.Ussi shaam unhone faisla kia ki photography sikhni hai.

Motivation Guru Aur ImagesBazaar Ke Founder Sandeep Maheshwari Ki Real Life Success Story

Unhone ka ek course kia aur badiya sa camera kharid liya.aur shokiya photography karne lage.Par is field me bhi pehle se maharathio ki foj khdi thi.Sandeep ko ek idea aaya voh apne modelling experience ko use karte hue ek list batne lage jisme genuine aur froud modelling agencies ke naam the.log inka ye kaam pasand karne lage.Ye popular hone ke baad sandeep ne paper me ad diya ki"Muft me portfolio banvaye".Sandeep ne inhe banvane ke liye retail market ke hisab se sirf material aur processing cost li.Maal wholesale se tha isliye thoda unhe bhi fayda hua.jo unki pehle major kamai thi.

Also Read : Model Kaise Bane

Limca Book Of Record


Photography ka kaam unka chal pada mahine ke 20-30 hajar aane lage.Par gadi aage nahi badh rahi thi,Aur ab paisa kamane ke baad unhe Naam kamana tha.

21-22 Saal ka ladka man me than liya tha sab kuch aasaan hai.Dimaag me aaya ki ek world record banaya jaye.Pahuch gaye Limca book of world record ki office me.Adhikari ne samjhaya ki" koi india level ka record banaye,yeh world record banana mushkil hai,Inke liye kam se kam 100 models hone chahiye jinki 12 ghanto ke andar 10,000 photos khichni hogi voh bhi sab alag-alag pose me."Ho Jayega"Sandeep ne jawaab diya.

Lekin kya ye karna aasaan tha ! Bilkul nahi.Bahut se challenge aaye,Model arrange karna,paiso ka intejaam etc.Lekin apni dhun ke pakke sandeep ke samne ek bhi tik na saka.Aur sandeeep ne 22 saal ki umar me year 2003 me ye world record apne naam kar diya.

Images Bazaar Ka Idea Aaya

Motivation Guru Aur ImagesBazaar Ke Founder Sandeep Maheshwari Ki Real Life Success Story
Ab sandeep ka naam ho gaya,sab log unko jane lage the,unki agencie delhi aur india level pe bhi top ki agencie ban gayi.Ab do-do office khul gaye,Khub paise bhi aane lage par sandeep khush nahi the.

Sandeep ne model ki help karnme ke liye ek magazine nikali,website bhi launch ki par kuch nahi hua sandeep pareshaan the.


Ek din unke office me ek ad agency wala aaya,Ek model ki photo dekhi aur bola"hamare pas shoot voot ka time nahi hai,ham isi photo ko scane karege aur sidha ad me chaap denge,aur iske ham bas 2500Rs. de sakte hai.Ve foran taiyar ho gaye aur isi incident se hi unke dimaag me ImagesBazaar ka idea aaya.

Darasal pehle kya hota tha ki,ad agency kisi model ka portfolio dekh kar photo selecr karti thi fir shooting par is bar to sidhi portfolio wali photo select ki gayi thi.Yani ki clients ko directly unke ads ke mutabik photo mil jaye to shoot karne me time aur paisa kon kharaab karna chahega.Aur isi soch ne ImagesBazaar ko janm diya.Aaj aap akhbaar,magazine aur hoardings pe jitne bhi ads dekhte hai unme se jyadatar ImagesBazaar ki hai.

Dosto yaha par ek baat aur hai,jab sandeep ko ye idea aaya toh voh already ek achi position me the,fir bhi unhone apne dono offfice turant band kiye aur apna pura focus ImagesBazaar pe daal diya.Aisa karne par logo ne unhe pagal kaha.Par sandeep aksar kehte hai "Jab bhi kuch bada karna ho to pagal hona padega" ImagesBazaar ko lekar voh pagalo ki tarah kaam karne lage aur usse apni sabse badi success story bana di.

Sandeep Maheshwari Ke 3 Sabse Bade Failure

  1. Photogaraphy shuru karne ke baad ek dost ne sandeep ko new year party organize karne ko kaha.Deal ye thi ke dost paisa lagayega aur sandeeep sara kaam dekhege.Dost ne shuru me paisa lagaye baad me piche hat gaye ab zyada paisa sandeep ko lagana pada.800 log is event me aaye event bahut safal raha.Par ant me voh dost sara paisa lekar gayab ho gaya Aur fir aaj tak  kahi nahi mila.Ye ek bada dhakka tha sandeep ke liye par sandeep kehte hai "Success experience se aati hai aur experience bad experience se".
  2. Sandeep ne japan life naam ke MLM company se jud kar bhi paise kamaye,Par yaha paisa kamane ke liye logo ko bahut thage jate the.Sandeep ne voh chod diya aur kuch logo ke sath milkar ek nayi MLM company shuru ki.Isme me bhi partner ke sath zhagda hone se company band ho gai.Sandeep ne isme kafi paisa laga diya tha ab japan life bhi nahin thi aur yaha bhi kuch nahi tha ek bar fir voh zero pe the.
  3. Sruggle karte hue sandeep ko idea aaya ki marketing ke upar ek book likhi jaye aur 20 saal ki umr me book likh dali.Iski anokhi baat ye thi ki ise aage se nahi piche se padhna tha.1000 copies me se sirf 150 copies hi biki baki bachi 850 copies ko sandeep ki maa ne kabadi wale ko bech diya.

Failure Se mili 3 Seekh

Motivation Guru Aur ImagesBazaar Ke Founder Sandeep Maheshwari Ki Real Life Success Story

  • Pehle failure ki vajah se sandeep ko event manage karne ka confidence aa gaya Jisse voh photogaphy ka world record bana paye.
  • Dusra MLM wala failure na hota toh ImagesBazaar hi nahi ban pati,kyoki apni MLM company banane ki vajah se unhe software,website etc.ki knowledge ho gayi thi.
  • Tisra failure jinme unki book flop ho gayi Uske liye sandeep kehte hai ki darasal is book ko likhne ke chakkar me unhone itni sari books padh dali ki unka mind bahot brod ho gaya.Ab voh busssiness se realated problem ko badi aasaani se solve kar dete hai.

Sandeep Maheshwari Ki Success Ka Sabse Bada Secret

Sandeep maheshwari ki success ka raaz sirf 2 shabdo me chip hai-"AASAAN HAI"!Voh kisi bhi jis ko mushkil nahi mante Chahe challenges bade ho ya chote ve har baar yahi mante hai aasaan hai,aur sach much voh unke liye aasaan ban jata hai.

Sandeep says,-"Apni life ki choto se choti problem ya badi se badi problem me jakar in do words ko chipka do,Jis din andar se aavaaj aane lage "Aasaan hai" us din sachmuch sab aasaan ho jayega aur yahi meri life ka sabse bada secret hai.Iski power ko under estimate mat karo isne meri zindagi badli hai".

Kya Koi Bhi Kuch Bhi Kar Sakta Hai ?

Motivation Guru Aur ImagesBazaar Ke Founder Sandeep Maheshwari Ki Real Life Success Story

Sabdeep-"Agar mere jaisa ladka jo dabbu tha jo sharmata tha voh agar stage pe aakar aake bol sakta hai toh duniya ka koi bhi aadmi kuch bhi kar sakta hai".

Sandeep mante hai ki,"Kamyab hona koi bado ka khel nahi....Yeh bachho ka khel hai...Aur agar tum maan lo ke successful hona bacho ka khel hai...toh kya hoga....Successful ho jaoge".

Ham karna bahot kuch chahte hai par darr lagata hai ki log kya kahege ? Sandeep-"voh kya sochega ye kabhi mat socho.Ek samay log mujhe kehte the...ye le 10 rupye aur meri photo khich de.agar me yahi sochta ki log kya kahege to aaj me yaha nahi hota........Duniya ka ' SABSE BADA ROG KYA KAHEGE LOG !'

Sandeep Ke Liye Success Ka Kya Matlab Hai

Sandeep-"Success to ek defination hai ,mere liye,Share karo.....dilse share karo....sabke sath share karo..."

Lakho logo ki life badlne wala insaan jo ki apni real life me Apne khud ke dam par apni life badli hai .Yadi aap vastav me bahut bariki se dekhoge to paoge ki Rato-Raat milnewali adhiktar safaltao me bahot lamba vaqt laga hai.

Kya Ham Sandeep Maheshwari Ke Jaise Sabko Motivation De Sakte Hai ?

Motivation Guru Aur ImagesBazaar Ke Founder Sandeep Maheshwari Ki Real Life Success Story

Yes ! Aisa ho sakta hai kyo ki ye bhi hona Aasaan hai.Pehle starting me aap chaho toh Youtube me apna channel banakar usme apne khud ke motivational videos bana kar upload kar sakte hai aur sath me ise paise bhi kama sakte ho.Aise Video Blog Youtube motivation video ka sabse best example Vasant chauhan hai.Aage chalkar aap bhi apne motivation seminars start kar sakte hai.

Friends I hope Sandeep Maheshwari ki yah kahani aapko bhi meri tarah inspire karegi.Post kaisa laga ye batana na bhule...Please sabke sath share kijiye aur comments kijiye.


Must Read : Internet Se Paise Kamaye

Previous
Next Post »

6 comments

Click here for comments
karan jethwa
admin
19 November 2015 at 00:30 ×

Hi Dosto,Mera naam karan jethwa hai.Aur maine pakkasolutionhindi.com banayi hai.Mai is site pe logo Hindi me online paisa kamane ki jankari deta hu aur sabko motivation kar ke solution deta hu.Pakka Solution !

Reply
avatar
RUPESH KUMAR
admin
8 April 2016 at 00:05 ×

Hello bare bhaiya,
Mera naam Rupesh Kumar hai abhi mai BSC PART-1 me Math se honours kar raha hu sath me ssc chsl ki taiyari bhi.Lekin mujhe bachpan(5th or 6th class) se hi computer se lagao hai. Computer ke software aur mobile apps lo banana mujhe bahut pasand hai.Lekin vastav me main isme zero hu.Ye software se related kaam & internet se paise kamane ka kaam mujhe bahut pasand hai.Mere liye agar kuch suggest kar sake to......

Reply
avatar
RUPESH KUMAR
admin
8 April 2016 at 00:13 ×

mere lia jo suggest kijiyega wo mere email id par bhej dijiyega.
srkr251297@gmail.com

Reply
avatar
karan jethwa
admin
8 April 2016 at 00:47 ×

Aap apni padhai ke saath software developing Or App banane ka kaam kar sakte hai.Uske lie agar aap free me jana chahte hai toh google pe search kar ke padh sakte hai.Or rahi baat internet se paise kamane ki toh voh aap hamari site se sikh sakte hai.Or haa jo Dil bole vahi kare !

Reply
avatar
Kuch Jano
admin
22 May 2016 at 18:49 ×

Such a great person, I’m a follower of Sandeep and I feel blissfull. He expand his experiences and it’s really very helpful, inspirational and motivational for any individual. I salute him for his noble causes. I want to meet once with him in my lifetime...

Reply
avatar
karan jethwa
admin
22 May 2016 at 21:38 ×

Yes Brother,Aapne sahi kaha ! Mai bhi unse ek baar milna chahta hu.

Reply
avatar
Thanks for your comment