10 Basic Tips : Perfect Dance Kaise Sikhe - How To Learn Perfect Dance



Dance ki post likhne se pehle me nuty ke dev (God Of Dance) "Natraj" Ko pranam kehna chahuga.Dosto,Dance jitna dekhne me aasan hai utna karne me aasan nahi hai kyu ki dance voh hai jo apne man ke bhaav ko sahi tarah se vyakt kar sake.Fir aise hi yaha vaha haath-paav hilana voh koi dace nahi hai.Dance ek kala hai jise perfect tarike se ki jaye toh log aapke diwaane ho jayege.Or agar aap ek ache dancer ban gaye toh aap soch bhi nahi sakte utne paise kama payege or toh or naam bhi kama payege.
10 Basic Tips : Perfect Dance Kaise Sikhe - How To Learn Perfect Dance

Puri duniya me log apne dharm ke anusaar alag-alag dance karte hai.Jaise ki hamare india me Shastriy Nuty,Lok Nuty,Bharatnatyam jaise dances hai.Vaise hi bahar ki cuntry me bhi alag-alag hai.Aaj kal dance ke itne jyada styles badh gaye hai ki main aapko jitne naam du utne kam hai.Jaise ki hiphop,breakfree,Lyrical,bollywood dance etc.Dance ke base par film industrys wale apni movies ko success banate hai,TV shows wale apna show chalate hai.Toh sochiye dance kitna faila hua hai.
Koi bhi shaadi ho,DJ party ho Ya koi event ho agar usme koi apna dance performance dikhata hai toh uske toh chaar chand lag jate hai.Har taraf se uski vaah-vaah hoti hai.Dance ek aisi kala hai jise ham kisi ke dilo-dimaag pe raaj kar sakte hai.Me achi tarah se janta hu ki Dance sikhne ke kahi fayde hai kyu ki mai bhi ek dancer hi hu.Aap believ nahi karoge lekin mujhe bachpan se hi dance se pyaar hai maine 2 baar dance classess kiye hai or kahi baar apna live performance bhi show kar chuka hu.
Mai jab bhi koi tension me hota hu toh apna pura gussa dance pe nikalta hu.Kyu ki dance hi mere liye zariya hai jise main apne mind ko relax kar saku.Or aaj tak mai or mere jitne kahi dancers ne logo ka dil jit kar unhe impress kiya hai.Yeh ek aisi quality hai jiska use ham kahi bhi kar sakte hai Or yeh quality khud me add karne ke baad kya batau ki kya awesome filling aati hai.
Friends Pehle ham dance sikhne ke kya fayde hai voh jaan lete hai jisse aapko pata chal jaye ki aapke liye dance sikhna kitna important hai Or fir janege ki step by step dance kaise sikhte hai.


Dance Sikhne Ke Fayde - Benefits Of Dance

  • Koi bhi marriage function,events,Partys,Festivals,School,College etc.me aap apna jalwa dikha sakte hai.
  • Khud me dance quality add hone ke baad confidece level badh jata hai.
  • Perfect dancer ban jane ke baad kisi bhi dance show me apna audition de sakte hai.
  • Aap jise like karte hai usse aasani se impress kar sakte hai.
  • Koi bhi function me logo ke bich me apni ek alag jagah bana sakte hai.
  • Agar aap ek ache dancer ban jate hai toh dancing me apna career bhi bana sakte hai.
  • School Ya Colleges me apna perfomance dikhake logo ko impress kar sakte hai.
  • Aap apni feeling ko dance ke through expose kar sakte hai.
  • Dance se ham apne tension or gusse ko out kar sakte hai.Yani ki ham apne stress level ko kam kar sakte hai.
  • Workout or dancing agar dono saath me kare toh Khud ki ek unique and attractive personality develope ho sakti hai.
  • Healthy Body or Healthy brain ke liye dance zaruri hai.
  • Dance se aapke body muscles flexible ho sakte hai.
  • Performance ke baad Aapko pehchane wale logo ki sankhya badh jayegi or aapke friend circle me growth hoga.

10 Tips : Perfect Dance Kaise Sikhe

  1. Choose Your Style : Single Style & Multi-Style Dancer : Jab ham dance me naye (begginer) hote hai tab hamare paas 2 option hote hai.(1) Koi ek single style choose kar ke vahi style me dance sikhe Jaise ki-Michle Jackson Breakdancing me famous tha.or (2) Isme ham jitni chahe utni style me dance sikh sakte hai or perfect sikhne ke baad sabhi style ke steps ko mixing bhi kar sakte hai.Isliye ab dance sikhne se pehle aapko apni dancing style choose karni hogi ki aap kaisa dance kar sakte hai.Agar aap chahe toh ek ek style sikh kar multi style dancer ban sakte hai.
  2. Watch Dance Videos Online : Agar koi bhi chiz ko hame sikhna ho toh voh sab se jyada dekhne se hi sikh sakte hai.Isliye aap Youtube pe begginer basic dance steps ke videos dekh sake hai.Maine youtube pe aise videos dekhe hai sach me yeh videos bahut hi ache hai.I sure ke yeh videos dekhne se aap Aasani se dancing ke basic steps jaan jaoge.Mai suggest karuga ki aap Youtube pe jake baar baar online video na dekhe verna aapka data waste hoga isliye Youtube videos ko apne mobile me download kar ke hi rakhe. - Yaha Click Kare Or Janiye Mobile Se Youtube Videos Kaise Download Kare.
  3. Read About Dancing : Aap internet par search kar ke dancing ke bare me zyada se zyada informations padhe jisse aapko dancing sikhne ka idea aa jayega.Kuch bhi sikhne se pehle agar ham uske bare me jitni zyada se zyada jankari pa le utna acha hota hai.Isliye aap magazines,books Ya Internet se dance ke bare me jaan sakte hai.
  4. Watch Dance Shows & Movies : Dance sikhne ke liye hame sab se pehle ek motivation ki jarurat padegi jisse ham jaise hi dance sikhna start kare tabhi se aag lag jaye or perfect mehnat kare.Iske liye aapko dance movies ( Like a ABCD,Step up etc.) or dance shows ( Like a Dance india dance,So u thik u can dance etc.) dekhne hoge.Dekhne se ek gazab ki energy aa jayegi or aap sochege ki Ab toh movie wala dance sikhna hi hai or hero jaisa dancer bhi bana hi hai.
  5. Watch Live Performance : Aapki city ya kahi bhi aaspas me agar koi famous dancer ka live show ho toh voh zarur atted kare kyu yeh hi ek aisi jagah hai jaha pe aapko fun ke saath bahot kuch sikhne ko milega.Ya fir aap kisi school ya college me hone wale live functions ko dekh kar bhi khud ko dance ke liye motivated kar sakte hai.
  6. Join Dance Classess : Agar aap chahte hai ki koi teacher ho jo aapko dance sikhaye toh aap dance classess ko join kar sakte hai.Yeh teachers aapko 1st se leke last tak sab sikha dege bas aapko yaha pe unki kuch fees chukani hogi.Yeh bahot se logo ka kehna hai ki dance classess me jake hi dance sikh sakte hai.Par me aisa nahi manta kyu ki agar aap me dance sikhne ka ek zabardast passion hai toh aap ghar par bhi perfect dance sikh sakte hai.Aisa zaruri nahi ki dance sikhne ke liye koi dance classess ko hi join kiya jaye.
  7. Buy Your Headphones & Music System : Dance sikhne ke liye agar koi music system ho toh dance sikhne ka maza hi kuch or hota hai.Agar aapke paas music system nahi hai toh mobile headphones toh hone hi chahiye.Kyu ki headphones se hi aap music ko deeply feel kar sakoge.Ek song ko 5-6 baar headphone me sune se step apne aap hi mind me creat hote jayege fir aapko usse apni body pe lana hoga.
  8.  Learn Basic Steps : Mai manta hu ki har ek bande me voh quality chupi hai jisse voh awesome dancer ban sakta hai.Aap unique ho so apni uniqueness ko pehchane ke liye headphone lgagae apne favorate song ko feel karo fir uski beat ko pakdo or dhire-dhire apne haath-per hilana shuru kar do.Or bas simply hi dancing kare yani ki jo steps aapne youtube basic videos me dekhe hai usse hi beat ke saath attach karne ki koshisk kare.Koi bhi bacha paida hote hi dodne nai lagta bilkul ussi tarah aap bhi ekdam se dance nahi sikh jaoge.So tension mat lijiye or dhire-dhire steps ko samjhe.
  9. Faadu Dance In Your Own Sytle : Kya aapne ABCD movie dekhi hai ? usme pata hai last me jab unke dance steps chori ho jate hai tab voh log apni khud ki style me dance karte hai voh bhi bina koi steps plaaning kiye.Bilkul issi tarah aap bhi jab dance sikh rahe ho tab apne 1 din me se 1 aisa short time nikale jisme aapko apne favourate song par aapko jo suzta hai voh dance karna hai bina koi steps ki planning kiye.Iss tarah dance karne se aap puri tarah se khul jayege Or aapka ek unique style bhi develope hoga.
  10. Practice In Front Of A Mirror : Aap jab bhi dance practice kar rahe ho tab ye prayas kare ki mirror aapke samne ho ! Agar mirror ke samne dance karoge toh aapko apni galtiya pata chalegi or aap perfect dance kar paoge.


Some Special Tips For Dance : Music sunte vaqt Dance steps 2 tarah se bana sakte hai.(1) Music ki beat ko pakad kar uske hisaab se dance steps set kar sakte hai.(2) Jo song sun rahe hai uske bol yani ki lyricaly dance kar sakte hai.For ex-Aasmaan ko zamin yeh zaruri nahi hamari adhuri kahani-Iss lyric me ham aasman pe upar ki tarah haath or zamin pe niche ki taraf haath kar ke steps bana sakte hai.So aap jab bhi koi song sune toh uski beat or lyric ko pakad kar steps banane ki koshish kare.

Dance sikhne ke saath apne health ko bhi banaye rakhe kyu ki dance sikhte vaqt aapki kafi energy bern ho sakti hai Jise vapas backup karne ke liye Acha khana hoga or zyada paani pina hoga.Bas yeh 2 simple baat ko yaad rakhiye or upar di gayi 10 tips ko follow kare.Aap 100% basic dance toh sikh hi jaoge.Milte hai apni next post mein tab tak Take Care.

.........................................................Thanks For Reading.......................................................

Previous
Next Post »

4 comments

Click here for comments
Anonymous
admin
24 June 2016 at 03:19 ×

Dancing is one of my Achilles heels, so I rarely join any dance party and when there is no choice, I just pretend that I'm talking to someone in the corner of the room so I won't be pulled in the dancing area. But I cannot shy away all the time so I secretly practice on my own, I even have an article from an essay writer services about dancing. And a great thing since you enumerated here some tips I can work on while secretly dancing in my room.

Reply
avatar
samcart
admin
24 June 2016 at 03:52 ×

These are good takes on online business, i for one use essay writer services for my blogs. I also use email marketing to get a wider audience. Some tips here can be expanded to further developed my online business, thank you for the tips!

Reply
avatar
karan jethwa
admin
26 June 2016 at 07:00 ×

Hahaha my friend......u r amazing......Can i help u ?

Reply
avatar
karan jethwa
admin
26 June 2016 at 07:04 ×

ur most welcome samcart !

Reply
avatar
Thanks for your comment