10 Tips : Smart Study Kaise Kare Or Career Kaise Banaye - Super SuccessFul Tips


Jab ham 5 saal ke hote hai tab se hame 1st standard me addmission dila dete hai or yahi se hamari padhai ka silsila shuru hota hai jo college ke bachlor ya master degree tak chalta rehta hai.Toh is tarah ham padhai ke piche apni zindagi ke 15-16 saal gavate hai.Jante hai kyu ham itne 15 saal gavate hai study karne me ! Kyu ki hame study ke baad achi job mile or achi job se ham ache paise kama sake or ache paiso se ham jivan chalane ke liye acha khaa sake.Right ?
10 Tips : Smart Study Kaise Kare Or Career Kaise Banaye - Super SuccessFul Tips
Ab jara sochiye ki koi ek kamra hai jaha aapko band kar diya hai or aapko naa chahte hue bhi us kamre me kisi bhi tarah se 1 din ke liye band rehna hai.Toh aisi situation me aap kya karege.Simple hai sab ke mind alag alag hai isliye har koi apne hisaab se alag-alag harkat karega.Koi pura din pareshaan rehaga,koi pura din band kamre me bhi kuch baat ko soch kar enjoy karta rahega etc.Bilkul issi tarah hamari study life me bhi hota hai.Jab hame 1st standard se is journey ki sharuaat karte hai.


Hame pata hai ki agar achi life banani hai ya koi badi position chahiye ya koi bhi dream ko pura karna ho toh study bahut zaruri hoti hai.Toh fir yeh sab jante hue bhi ham kyu study se bhaagte hai ya ghbra jaate hai jab ki hame koi bhi kimat par apni life ke liye study to karni hi karni hai.Agar ham study nahi karege toh ham unpadh kehlayege or logo ke bich me hamari value bhi kya rahegi.


Ab sabhi students alag-alag hote hai.Koi tez dimaag wala,Koi medium type ka toh koi bahot hi poor hota hai.Aaj Sabhi student high school ya college me jaise hai voh unki past study life or aaspas ke enviorment ki vajah se hai.Par kisi bhi student ko darne ki jarurat nahi hai agar aap sache dil se padhai karna chahte hai toh aapke liye lakh raste hai.Or agar aap padhai nahi karna chahte hai toh bhi aapke liye lakh raste hai.(Yeh laakh raste aapke talent or interest ke base par hi hai.)

Yeh bhi jaan lo ki yeh zaruri nahi ki jo college complete kare ya medical/engineering ki degree kare vahi banda apni life bana sakta hai.Bhagwaan ne har bande me ek special qualitys de rakhi hai jiska use kar ke voh apni life me kaafi had tak aage ja sakta hai bas zarurat hoti usse pehchane ki.Mai toh kehta hu aapko isi qualitys ke base par hi study karni chahiye jisme aapko ruchi hai fir dekhe ki aap study me kaise success nai hote.


Aakhir Ham Study Me Focus Kyu Nahi Kar Paate

  • Bachpan se hame education ke liye kisi ne bhi protsahit na kiya ho or bachpan se hi logo ne bataya ho ki study karna bahot hard hota hai.
  • Log or teachers aapse aksar kehte rehte hai ki tu duffer hai or tu kabhi thik se padhai nahi kar payega.
  • Agar ham mastikhor or padhai me kamzor hote hai toh hame bachpan se hi parents or teachers ki taraf se daant milti rehti hai.
  • ham jis enviorment me bade hue ho voh enviorment study ke liye thik na hona.
  • Confidence ki kami.
  • clever students se khud ko compare kar ke nicha samjhna.
  • Past me fail hote rahe hai or aage bhi failure hone ka darr.
  • Dosto ke saath gapebazzi me hi dhyaan dena or padhai par focus na karna.
  • Social sites par din bhar chipke rehna ya mobile ka hi use karte rehna.
  • Kabhi study ko seriosly hi na lena or thik tarike se mehnat na karna.
  • Ham jo kar sakte hai,Hame jo quality or interest hai uske hisaab se study na karna.
  • Aisi career line pasand karna jisme job ke chances jyada hai par line me interest bikul bhi nahi.

School,HighSchool,College Ya Koi Bhi Student Study Me Powerful Kaise Bane

  • Aaj me aapko kuch aisi clear & cut tips batauga jisse aapka mind puri tarah se aazad ho jayega.Or aap ek perfect study kar payege.Mai sure keh sakta hu ki yeh tips padhne ke baad aap khud ek achi career line chunege or ek honhaar student banege.Mai yeh baat ek simple se logic ki vajah se keh raha hu ki,Agar aapko Volleyball khelna pasand hai or volleyball ko hi career line banake usme study karte hai toh i guaranteed ki is line me aapke success hone ke chances 99% badh jaate hai.

Tip No.1 : Sab Se Pehle School Wali Compulsory Study Complete Kare

  • Dekho friends agar aaj ki duniya me tikna hai toh minimum 10th tak ki school padhai toh compulsory karni hi hogi.So ab aap yeh dhyaan de ki agar school student hai toh sabhi subjects mai zyada se zyada padhai kar ke ache marks laane ki koshish kare.Agar aapse zyada padhai handle nahi hoti ya time nahi milta hai toh aap ek mast time table bana lijiye.Jisse aap aasani se manage kar sake.
  • Jab ham 10th board completely pass kar lete hai toh mostly sabhi carees option hamare liye open ho jaate hai.Jaise ki,Diploma engineering,ITI Job courses,Short turm certificate courses,Highschool study (science,commerce,arts) etc.Isliye kisi bhi field me career banani ho par sab se pehle ache marks ke saath 10th board passout kar lijiye.

Tip No.2 : 10th Ke Baad Summer Vacation Me Apne Interest Or Career Ke Bare Me Jaan Le

  • Ab 10th board me ache se exams dene ke baad aapne jaisa paper likha hai uske base par aapko thoda bahot toh pata hi chal gaya hoga ki aapka result kaise hoga.Isliye 10th ke baad jo 3-4 mahine ka summer vacation milta hai usme apne interest ke bare me jaan lijiye.Ek aisa interest jisse aap career bana sake or usme thake bina raat-din aasani se mehnat kar sake.
  • Aap chahe toh 10 ke result aane tak ka bhi wait kar sakte hai.Jab result aata hai tab bhi aapke paas 1 month jitna time hota hai.Us time me aap apne result marks,Self interest,Hobbys,Ab tak ka aapka best performace jaisi chizo se apni career pasand kar sakte ho.

Tip No.3 : Choose Your Perfect Career

  • I hope ke Ab 10th ke baad aapne apne liye ek perfect career choose kar li hogi.Kisi ne Science,Commerce Ya Arts me addmission liya hoga,Kisi ne diploma me toh kisi ne study ko hi chod di hogi.Anyways line koi bhi ho yaha pe sabka maksad ek hi hai ki study karna ya kuch bada banke dikhana.Jiske liye aap pichle 10 saal se padh rahe hai.
  • Mai manta hu ki aapne jo bhi career pasand ki hogi voh apne interest ke hisaab se hi ki hogi taki aap super successful ban sake.Ab aate hai ki ham apni field me aisi study kaise kare jisse ham life me super successful ban sake.

Tip No.4 : Smart Study Or Hard Study

  • Study mainly 2 type ki hoti hai.(1) Smart study or (2) Hard study.Ab sawaal ye uthta hai ki hame kaisi study karni chahiye ? Toh mai kahuga ki hame Hamesha smart study hi karni chahiye kyu ki hard work toh gadha bhi karta hai.
  • Agar aap ek cleaver student hai toh aap time table bana kar smart study hi kare kyu ki aapka mind koi bhi chiz ko jaldi catch kar payega.Or agar aap ek poor student hai toh pehle hard work waali study kare fir dhire-dhire hardwork ko smartwork study me convert kar de.
  • Maine kaha tha ki jo bhi line pasand kare voh apne interest ke base par hi kare toh yaha pe ab yeh sawaal hi nai uthta ki study me man nai lag raha hai ya mujse yeh nahi hoga.Kyu ki aapne pasand ki hui line aapke liye aasan hogi jis vajah se yeh study aapke liye smart study ban jayegi jisse aap kam samay me bhi zyada complete kar sakte hai.

Tip No.5 : Thoda Sikhe Par Focus Ke Saath Sikhe

  • Yeh ek bahot hi badhiya trick hai jo bahot kam logo ko pata hai.Is trick me jab hamare classess chal rahe ho or teacher hame padha rahe ho tab pura dhyaan hamara usme hi hona chahiye.Or teching ki hui har chiz pe dhyaan dena.
  • Maan lo ki agar aapko shaam ke vaqt 4 four free milte hai toh aise time me aapko sirf 2 hour hi padhai karni chahiye par pure focus ke saath.Is tarah aap kam samay me zyada padh sakte hai or apne liye extra free time bhi nikaal sakte hai.Or Isse kehte hai Samrt Study.

Tip No.6 : Apni Health Care Kare

  • Agar aapki health achi hogi toh aapka mind or body bhi saath degi jis vajah se aap aasani study kar sakte hai.Hamesha aisa khana khaye jo aapki health ke liye acha ho.kabhi Padhte vaqt  aisi chiz na khaye jise aap me aalas ka praman badh jaye verna aapki smart study long study ho sakti hai.
  • Health care ke liye 2 simple tips hai.(1) Daily zyada se zyada paani piye or (2) Samtulit aahar lijiye.Or sab se zaruri baat ke kam se kam 8 hour ki neend leni chahiye.Jise hame or hamare mind ko puri tarah se aaram mil sake.

Tip No.7 : Study Ke Vaqt Mobile Aur Social Sites Ko Avoid Kare

  • Jab bhi aap study karne baithe ho tab apne cellphone ko ek khune me chupa kar rakh dijiye ya swithoff kar dijye kyu ki smartphone ek aisi chiz hai jo study karte vaqt hame sab se zyada disturb karti hai.
  • Study karte vaqt facebook,whatsapp ya kisi bhi social networking pe apna focus mat kare.Verna aapki study pe bura asar pad sakta hai.Agar perfect study karni ho toh smartphone se door hi rahiye.

Tip No.8 : Set Your One Strong Goal & Target

  • Aap kisi bhi line me study kar rahe ho lekin sab se pehle us study ko leke khud ka strong goal bana lijiye.Jaise ki Science ki is exams me mujhe 85% lane hi hai or uske liye mai kisi bhi tarh ki mehnat karne ke liye taiyaar hu.
  • Is tarah ka target banane se aapko ek gazab ki energy mil jayegi jo aapke goal ko achieve karne me aapko kaafi had tak help karegi.

Tip No.9 : Motivation Lete Raho

  • Chahe koi bussiness man ho,Koi Actor ho ya koi bhi student ho motivation ki jarurat toh sabko padti hai.Or specials study kar rahe students ko toh zyada.Isliye agar aap study me smart & powerful bana chahte hai toh Youtube motivation videos,Motivation Seminar videos,Motivation speaker videos,Motivation movie videos etc.dekhte rahiye.

Tip No.10 : Meke Your Special Notes

  • Yeh technique meri sab se favourate hai.Jab me 12th science me tha toh isi technique ka use karta tha.Jab bhi aap kisi hard subject ko read kar rahe ho tab apne paas ek special fullscape book rakhe or padhte padhte jab bhi koi important baat lage usse apni us special note me add kar lijiye.
  • Yeh trick lagta bahot simple hai or iske fayde bhi bahot hai jab ham pure saal aise notes collect karte hai or last me exams ke time pe padhte hai tab hame yeh notes aasani se sab kuch yaad karate hai or last me exams ke vaqt agar padhne ka time na mile toh aise notes hi kaam aate hai.

Mai bhi ek student hi hu or yeh sab maine ab tak ke apne experience se likha hai.I hope ke yeh post har student ke liye helpful rahega.Or study se realated ko bhi question ho toh comment se puch sakte hai.Post ko social sites pe share karna na bhule.Milte hai apni next post mein tab tak Take Care.

....................................................Padhne Ke Liye Dhanyawaad............,,...............................

Previous
Next Post »
Thanks for your comment