A.P.J Abdul Kalam Motivational Quotes In Hindi - Thoughts For Students Education


Last motivational post A.P.J Abdul Kalam Success Storie me hamne unki puri Biography ke bare me jana tha.Or aaj ham unke life changing quotes ke bare me janege.Yeh quotes ne hazaro-lakho logo ko inspire kiya hai or unhe jivan me aage badh kar kuch bada karne ke liye prerna di hai.Or un lakho logo me se ek me bhi hu jo aaj aapke samne puri duniya ke samne apna knowldege share kar raha hai.
A.P.J Abdul Kalam Motivational Quotes In Hindi - Thoughts For Students Education
[image credit : Thehindu.com]
Bharat Ratna Dr.A.P.J Abdul Kalam jitna naam bada hai usse bhi jyada unka kaam bada hai.Is insaan ne apna pura jivan desh ki seva me laga diya.Yeh voh insaan hai jisne Ek scientist ke roop me Missile technology me desh ko world level par pahochaya.Ek Rashtrapati ke roop me croro hindistaniyo ko sapne dekhne or unhe pura karne ki prerna di.Ab aap hi bataye kya hamare desh me aise kitne log paida hote hai jo apna pura jivan desh ki seva me samarpit kar de.


Dosto,Shayad ham me Kalam ji jitni qualitys toh na ho Par ha unke vicharo ko jaan kar ham kuch qualitys ko toh apna sakte hai.So yaha pe aaj me Abdul kalam ji ke great and motivational thoughts ka khazana khol raha hu jise jitna lootna ho voh utna loot kar apne paas rakh sakte hai.Or hamesha ke liye apni life ko shaandar bana sakte hai.


30 Motivational Quotes Of A.P.J Abdul Kalam (In Hindi)

  1. Sapne usse nahi kehte jo neend me aate hai sapne usse kehte hai jo neend nahi aane dete.
  2. Aasmaan ke or dekho ham akele nahi hai,Jo log sapne dekhte hai or kathin mehnat karte hai,Pura bramhand unke saath hai.
  3. Bhagwaan jinhone hame banaya hai,Voh hamare man or vyaktitva me vaas karte hai.Jo hamesha shakti pradaan karte hai,Or prathna is shakti ko badhati hai.
  4. Uvaao ko mera sandesh hai ki Alag tarike se soche,Kuch naya karne ka praytn kare,Apna rasta khud banaye or impossible ko haasil kare.
  5. Hame tyaag karna sikhna hoga taki hamari aane wali pedhi samrudh ho.
  6. Jab tak pura bharat uth kar khada nahi hoga.Tab tak sansaar me hamara koi aadar nahi karega.Is duniya me darr ki koi jagah nahi hai keval shakti ki hi pooja hoti hai.
  7. Ek neta ki paribhasha hai ki Uske paas ek safal drashtikon ho,Ek junoon ho jo kisi bhi pareshaani se na dare.Balki pareshaniyo ko harana janta ho.Or voh imaandar ho.
  8. Manushya ke liye Kathnaiyo ka hona zaruri hai kyu ki unke bina safalta ka aanand nahi liya ja sakta.
  9. Jivan ek kathin khel ke samana hai.Yeh khel tabhi jeet sakte hai jab aap Apne insaan hona ka janmsidh adhikaar ka paalan kare.
  10. Hame kabhi haar nahi manani chahiye.Or yeh bhi khyaal rahe ki pareshaniya kabhi hame haraa nahi sakti.
  11. Ek student ki sab se badi quality hoti hai Question puchna ! Unhe question puchne de.
  12. Aap dekhiye ! Bhagwaan unki madad karte hai jo kathin mehnat karte hai.Yeh ek fact & clear rule hai.
  13. Koi bhi unsuccess aap par haavi nahi ho sakti,Jab tak aapka Success hone ka irada majboot ho.
  14. Apni first success ke baad aaram karne me mat lag jao.Kyu ki agar tum dusri baar me unsuccess ho gaye toh Kahi log yeh kehne ko taiyaar hai ki - First success toh kismat ya luck se mil gayi thi.
  15. Sabhi chidiya ko barsaat me chaav mil jati hai keval baaj hi Badalo se upar uth pata hai.
  16. Agar tum sooraj ki tarah chamakna chahte ho toh pehle sooraj ki tarah tumhe jalna hoga.
  17. Ham sabhi ke paas same qualitys nahi hai par hame life me same qualitys karne ke liye chances zarur milte hai.
  18. Kisi ko harana bahut aasan hai par kisi ko jeetana bahut mushkil hai.
  19. Apne kaam se pyaar karo apni company se nahi kyu ki kya pata company kabhi bhi tumhe nikaal de.
  20. Kadi mehnat or confidence ek aisi medicine hai jo aapko success dila sakti hai.
  21. Intejaar karne wale ko keval itna hi milta hai jitna koshish karne wale chod dete hai.
  22. Aap apna future nahi badal sakte par aap apni aadate (habits) badal sakte hai or aapki aadate aapka future badal sakti hai.
  23. Har subah 5 baate apne aap se bolo jise aapka confidence level badh sake.(1) Mai sab se acha hu.(2) Mai yeh kar sakta hu.(3) God always with me - Bhagwaan hamesha mere saath hai.(4) Mai ek winner hu.(5) Aaj ka din mera din hai.
  24. Ek achi book hazar dost ke barabar hoti hai.Jab ki ek acha dost ek library ke barabar hota hai.
  25. Desh ka sab se acha dimaag classroom ki aakhri bench par mil sakta hai.
  26. Jab hamare signature autograph me badal jaye toh usse success kehte hai.
  27. Shikhar par pahochne ke liye samarthy chahiye.Fir voh chahe mount everest ka shikhar ho ya aapke career ka.
  28. Ek murkh genius ban sakta hai yadi voh samjhta hai ki murkh hai Lekin ek genius murkh ban sakta hai yadi voh samjhta hai ki voh genius hai.
  29. Three excellent answer - (1) Success ka secret kya hai - Sahi Nirnay (2) Aap sahi nirnay kaise lete hai - Experiance se (3) Aap experiance kaise gain karte hai - Galat Nirnay se.
  30. Mai is baat ka swikaar karne ke liye taiyaar hu ki mai kuch chije nahi badal sakta.


I hope ke aapko yeh sare quotes pasand aaye hoge.Jo bhi ho mujhe comment se inform zarur kare taki aage future me mai aapke liye or bhi badhiya motivational posts share kar saku.Milte hai apni next post mein tab tak Take Care.

...................................................{Padhne Ke Liye Dhnayawaad}...........................................

Previous
Next Post »
Thanks for your comment