A.P.J Abdul Kalam Success (Life) Story - Motivational Biography In Hindi


Dr.Abdul Kalam ke jane ke baad aaj pura india ek hi baat kar raha hai." We Will Miss U Alltime Indian Diamond & Countrys Real Hero Abdul Kalam ".Shri abdul kalam desh ke 11th Rashtrapati,Intelligent scientist,Lekhak (Writer) Or Yongsters ke liye Inspirational person the.Sabhi jante hai ki Kalam ji ne apni puri life sirf desh ki seva karne me hi bitayi hai.Or jo desh ki sache dil se seva karte hai unhe real hero kaha jata hai.
A.P.J Abdul Kalam Success (Life) Story - Motivational Biography In Hindi
(Image Credit : WeAreJobSeekers)
Highschool me maine abdul kalam sir ke bare me kuch books padhi thi or na jane us vaqt mujhko kya ho gaya tha.Un books ne mere andar ek fire energy paida ki or meri life ussi vaqt change ho gayi.Fir mujhe unke bare me or jankari chahiye thi ki kaise unhone apne jivan ko itna behtarin banaya ? Isliye maine internet ki duniya pe Unke Motivational videos,Inspirational speechs,Life stories,Biography etc.ke bare me study ki or jab meri study khatam ho gayi toh me chahta tha ki life me ek baar zarur kalam sir se mulakat ho lekin unki death ke baad mera unse milne ka sapna adhoora hi reh gaya.
Lekin ab maine soch liya hai ki aaj tak maine unki life se jo kuch bhi sikha hai voh me aap logo ke saath share karuga.Shayad aapki life par bhi iska asar pade or aapki life change ho jaye.

Dr.A.P.J Abdul Kalam Biography In Hindi

  • Abdul Kalam : 11th President Of India
  • Full Name : Avul Pakir Jainulabdeen
  • Born : 15 October 1931
  • Died : 27 July 2015 (aged 83)
  • Proffesions : Professor,Author and Aerospace scientist
  • Awards : Bharat Ratna (1997),Padma Vibhushan (1990),Padma Bhushan (1981)
15 October,1931 me tamilnadu ke ek chote se gaav me (Dhanushkodi) abdul kalam ka janm hua tha.Unke janm ke vaqt parivaar ki aarthik sthiti kharaab thi.Jis vajah se bachpan se hi Abdul kalam kathinaiyo ka samna karne ke liye taiyar the.Abdul kalam ne padhai ki shuruaat rameshvaram ki ek primary school se kiya tha.Dr.Abdul ke pita machuaaro ko naav kiraye par dene ka kaam karte the or unki mata housewife thi.

Abdul kalam ne Ramnathpuram ki Schwartz Higher Secondary School se 12th passout complete kar liya.Fir unhone aage chalkar St.joseph school me bachlor degree ke liye admission liya.Padhai ke isi silsile me din-b-din unka padhai ka shok badhta hi ja raha tha.Isliye unhone khud ko aage badhane ke liye 1955 me Aerospace science me admisson leke 1958 tak apni space science ki padhai complete kar li.

Abdul ji ka ek dream tha ki voh Indian fighter plane ke pilot bane.Par kuch vajah se voh apne is dream ko pura na kar paye lekin fir bhi unhone kuch or bada kaam karne ke bare me socha.Or isi soch ko aag badhate hue unhone DRDO (Defence research and developement orginization) kaam kiya.Lekin vaha bhi voh apne is kaam se santusht nahi the.Isliye unhone DRDO ko bhi chod diya.

Fir 1962 me unhone ISRO (Indian space research orginization) Ko join kiya.ISRO me voh apne kaam ko pure dil se kar rahe the.Har ek important missions me voh apna major role play kar rahe the.Bharat ka pehla upgrah "Pruthvi (SLV3)" mission ko abdul kalam ne puri mehnat or lagan ke saath successfully complete kiya.Unki is success ke baad India bhi International Space club ka member ban paya.

ISRO ke karykaal ke doran Unhone bahot se great achievements haasil kiya.Jaise ki,NASA ki Travelling,Famous scientist Raja Raman ke saath milkar Bharat ka pehla Parmanu parikshan or guided mesiles ko design kiya.Ab Abdul kalam india ke famous scientist ban chuke the.

A.P.J Abdul kalam ke is safalta ke safar me unhone bahot se awards bhi haasil kiye the.1981 me unhe indian goverment dwara padhm vibhushan se sanmanit kiya gaya.1990 me Kalam ji ko fir se padhm vibhushan se nawaja gaya.1992 se 1999 tak Raksha mantri ke Vigyan salahkaar ke pad par niyukt rahe.Saat hi voh Suraksha shodh or vikas vibhaag ke sachiv bhi the.1997 me unhe Bharat Ratna se sanmanit kiya gaya.Unhi ke netrutv me 1998 me bharat ne apna dusra safal parmanu (atom) parikshan kiya.Issi doran abdul ji Bharat ke sab se famous or successful Nuclear scientist ban chuke the.

2002 me unke prati bharat ki janta me sanmaan dekhte hue,Life achievments or Bharat ke prati unka lagaav dekhte hue N.D.A ne unhe Rashtrapati pad ka umedvaar ghoshit kiya.Or janta ke pyaar se 2002 me voh yeh chunaav jit gaye.Rashtrapati bane ke baad ab unhe desh ke uvaa ke liye kuch karna tha.Isliye voh ek motivational speaker ke jaise Youngsters ko Motivation karte ja rahe the.

Unki simple life style or desh ki prati kaam karne ke lagaav ko dekh kar desh ke har vyakti ke dil me unke liye pyaar basta tha.Or voh apni isi life style Or Motivational speeches ki vajah se dekh ke uvaan me famous ho gaye.A.P.J Abdul kalam ka rashtrapati karykaal 2007 me samapt hua.Voh kabhi bhi apne knowledge ko apne tak nahi rakhna chahte the.Isliye unhone collages,Aerospace engineering me professor ki bhumika nibha kar logo tak apna gyaan pahochaya.

27 july 2015 me indian ka missile men ham sab ko chod kar chala gaya.Unke jane ke baad pure desh ne apna Hero kho diya tha.Unki mout dil ke dore ke vajah se hui thi.28 july ko unhe delhi me tatha 29 july ko Madurai me shradhanjali (Tribute) di gayi.30 july ko unhe unhi ke nagar Rameshvaram me pure sanmaan ke saath dafnaya gaya.Or us vaqt unhe 3,50,000 se bhi jyada log shradhanjali dene pahuch gaye the.Indian goverment ne unke sanmaan ke roop me 7 din tak rajkiy shok ki ghoshna ki thi.

Interesting Facts About A.P.J Abdul Kalam

  • Most of aap sabhi ne kalam ji ki photos dekhi hogi jisme unke baal lambe hairstyle wale hote hai,Sidhe sadhe aam aadmi ki tarah kapde pehne hue hote hai,Chehre pe ek halki si smile hoti hai.Toh kabhi socha hai ki in photos me se hame kya sikhne ko mil raha hai.
  • Unke lambe baal pehle se hi ek hi style me hai or barso se voh apne baal ko ek samany saloon me samany barber se katvate the.
  • Unhe apne aap me paise kharch karne me koi interest nahi tha nahi apne liye ko dhan dolat ektha karna chahte the.Isliye unhone apne puri kamai desh ki seva ke liye daan kar di thi.
  • Unhone desh ki seva karne ke liye kabhi shaadi nai ki kyu ki agar voh shaadi kar lete toh apne desh par thik se dhyaan nahi de pate.Unka khna tha ki " Mera desh hi mera parivaar hai or me jo kuch bhi karna chahta hu voh sirf apne desh ke liye hi karna chahta hu,Mera pura jivan me desh ki seva me samarpit karta hu " 
  • Maine aaj tak koi image ya koi bhi videos me unke face par ego nahi dekha hai.Voh hamesha ek halki si smile ke saath logo ke saath apna knowledge share karte rehte the or garibo ki help karte rehte the.

A.P.J Abdul Kalam Motivational And Life Changing Books

1.Wings Of Fire In Hindi :


2.Ignited Minds :


3.Indomitable Spirit :


4.Indian 2020 :


5.Turning Points :




Must Read : Top 10 Best Hindi Motivation Books Jo Aapki Life Badal Sakti Hai

Dear Readers,Kalam ji ke bare me jitni jankari haasil karenge utni kam hai.Unki life se maine toh bahot kuch sikha hai or apni life ko successful banane ke liye usme apply kiya hai.Kalam ji ke Life changing quotes,Inspirational thoughts,Abdul kalam stories and kavita,Abdul kalam motivational speech bahot kuch hai.Jiske bare me aage share karege.Hamari site par bane rehne ke liye or Daily life changing motivational updates pane ke liye hamare blog ko subscribe kare.Milte hai apni next post mein tab tak Take Care.

......................................................Padhne Ke Liye Dhanyawaad...........................................

Previous
Next Post »
Thanks for your comment