How To Improve Voice Quality For Singing - Sweet Voice Tips In Hindi


Hello Singers ! PSH ki Singing Series padhne wale mostly har reader ne mujhe facebook par contact kar ke kaha hai ki "Karan ji Singer apni aawaz ko achi kaise banaye iske upar post likhe".Aur aapke sawaal ke samne maine bhi answer me bataya tha ki bahot jald ham singers ke liye voice quality improve karne ke upay batayege.Toh aaj voh din aa gaya hai jisme ham voice thik karne ke sare tarike batayege.
How To Improve Voice Quality For Singing - Sweet Voice Tips In Hindi
Singer ki sab se khaas baat Uski aawaz mai hi hoti hai.Agar aapke paas badhiya aawaz nai hai or aap singer bane chale ho toh socho kon sunega aapko ? Agar aapke paas sweet voice hogi toh aap apni singing career ko tezi se aage badha sakte hai.Or Kisi album ya indian idol jaise singing show me bhi apna audition de sakte hai.Audition Ke Bare Me Jyada Jane Ke Liye Yeh Post Padhe : Audition Ke Bare Me Puri Jankari

Aksar dekha jaye toh voice ka tension ham jaise normal insaan ko nai hota.Voice bigad jane ka tension sab se zyada singers ko rehta hai.Kyu ki singers ki career Ache Voice par hi depand karti hai.Har singer chahta hai ki uski voice sab se badhiya ho or uske gaane lakho log sune.
Shayad aap jante nai hai ki Arijit Singh And Shreya Ghoshal jaise professional singers apni aawaz ke liye kya kya karte hai.Jitna HardWork ek actor film ke liye body banane me karta hai usse bhi jyada hard work singers apni aawaz ko improve karne me karte hai.Taki unke songs me ek aisa jaadu aa jaye jise sunte hi log jhum uthe.Ek aisi aawaz jise log baar baar suna pasand kare.


Kya aisi aawaz pana sab ke liye possible hai ? Aawaz achi karne ke kya tarike hai kya upay hai ? Achi aawaz ke liye singers ko kya khana pina chahiye ? Yeh sab ham aaj ki post me cover karne wale hai.

Singer Kon Ban Sakta Hai Aur Sweet Voice Kya Har Kisi Ke Liye Possible Hai

  • Dekho friends me ek baat sidha bata deta hu aap Bura mat manana.Yeh fact hai ki Sab ki aawaz achi nai hoti.Or Voice agar achi nai hai toh ham singing me apna career bhi nai bana sakte.Its True !
  • Koi Koi sochta hai ki bhale hi mere paas achi aawaz na ho lekin mai singer toh ban ke hi rahuga.Toh dosto yeh galat hai aap singer nai ban sakte.Ha aap Singing se realated raper ya koi or chiz me try kar sakte hai.
  • Singing is a natural talent.Aaj jitne bhi singers top ki position par hai unke paas bachpan se hi natural talent tha or unhone bachpan se hi singing ka riyaaz kiya hai.Jaise ki Arijit singh jisne sirf 4 saal ki umar se hi gana shuru kar diya tha.Fir dhire dhire usne Singing instrument ko sikhe or is tarah usne singing ke piche apne 16 saal laga diye tab jake aaj voh Great singer bana hai.
  • Isi tarah Mustafa Khan bhi hai jo aaj ki date me sirf 12 saal ka bacha hai.Lekin agar aapne uski voice ek baar sun li na toh Uske fan ho jayege.
  • Sweet vocie pana har kisi ke liye possible nai hai kyu ki 1st yeh natural hoti hai Or 2nd jiski voice thikthak hai usse kaafi mehnat karni padti hai.and 3rd jiski vocie bilkul bhi achi nai hai unke chance is field me bahut kam hai.
  • Ab aage voh log hi post padhe jisko sach me lagta hai ki voh singing ke liye hi bane hai.Or ab unko sirf Voice quality hi achi karni hai.Unka interest sirf singing me hi hai.
  • Singer ho toh kuch is tarah se kahe - "Is kaam ko karne me mujhe kitna bhi dard kyu na ho.Kitni bhi mehnat kyu na karni pade.Mai yeh sab karne ke liye taiyaar hu".

Sweet Voice Tips in Hindi

  • Zyada Pani PiyeAgar aapko voice achi karni hai toh sab se pehla step hai ki aapko daily zyada paani pine ki aadat dalni padgi.Jo bhi singing classess chalate hai voh sab teachers gale ko acha rakhne ke liye yahi advice dete hai ki Daily Paani zyada piye.Aisa karne se naturally aapki voice clearity badhegi.
  • Chillao MatJyada Jor jor se Chilla kar mat bole.Or Gusse se toh bilkul bhi na bole.Jyada chikne-chilane se aapki voice damage ho sakti hai.
  • Smoking ChodoAgar aapko kisi bhi tarah ki smoking habit hai toh usse aaj hi chodni hogi.Kyu ki Sharaab,Cigarate ye sabhi se aapki voice ko nuksaan ho sakta hai.Agar yakin na ho toh Aashiqu 2 dekh lijiye.Usme Hero daru pi pi ke apni sweet aawaz ki vaatt laga deta hai.or last me uska bana hua career bigad jata hai.
  • Oily Kam KhayeHo sake utni chaay or coffee kam piye.Bahar ka tel wala oily khana bhi kam karna padega.Kyu ki Zyada oily khaoge toh Gale me Oil hi badhega.Or isse aap achi aawaz nai nikal paoge.
  • Use MikeAgar kabhi bhi aapko public me bolne ka avsar mile toh Mile ka prayog kare.Kyu ki Mike me aapko chikne chilane ki jarurant nai padti.
  • Tansen Wala Upaay : Ab dhyaan se suneyega kyu ki ab ham tansen wala secret jane wale hai.Ji Ha,Sangit samrat tansen apni voice ko clear rakhne ke liye Daily Imli ke patte khata tha.Tansen sirf imli ke patte khata tha lekin mai toh kehta hu aap Imli or tulsi dono ke patte khaye.Isse 100% aapki voice me change aayega.
  • Cow MilkSweet voice ke liye daily morning and evening Honey (shahad) ke saath Cow ka milk (dudh) piye.Isse aawaz madhur ho jati hai or saath vitamins bhi milte hai.
  • Baithi Voice Thik Kare : Agar kabhi aapki voice baith jati hai toh 2 chammach adrak (ginger) ke ras me 1 chammack shahad (honey) mila le.or din me 3 baar sevan kare.Iss se aawaj khul jayegi.
  • Onion ilaaj : 2 teaspoon pyaaj (onion) ke ras me 1 teaspoon honey mila kar subah shaam chaate or uske 1 ghante tak kuch bhi na khaye.Ya fir pyaaj (onion) ka ras (juice) Garam pani (hot water) me mila kar pine se bhi aawaz soorili hoti hai.
  • Ananas Juice : Ananas ka ras pine se bhi gale se badhiya aawaz nikalti hai.
  • Damaged Voice : Yadi aapki voice bahut fat rahi hai toh 1 glass garam pani me 3-4 lahsoon (garlic) ki kaliyo ka ras mila kar pine se aawaz thik hoti hai.
  • Garlic ilaaj : Thodi Thodi lahsun ki kaliya khane se bhi voice khul sakti hai.
  • Avoid ColdDrinks : Jo singer bana chahte hai usse toh cold drinks or cold water bhulna padega.Or iski jagah aapko garam paani or Nariyel paani pina hoga.
  • Improve Voice : Garam paani me Namak (salt) mila kar coola (garare) karne se bhi aapki voice improve ho sakti hai.
  • Best Tarika : Good singing voice ke liye ilaichi bhi ek badhiya tarika hai.Ji ha Agar aap daily 2 time subah shaam 2-3 ilaichi ka sevan karte hai toh aapki normal voice sweet voice me convert ho sakti hai.
  • Eat Natural Fruits : Bahar ki oily chize khaane ke bajaye Natural fruits khana hamari health or voice dono ke liye best hai.Isliye aap bahar ki chiz ko avoid kar ke apne daily routine me Natural fruits apply kar sakte hai.
  • Good Sleep : Din bhar itni mehnat karne ke baad aapko minimum 8 ghante ki neend toh leni hi chahiye.Agar aap Raat me 8 ghante tak gehri neend sote hai toh i guranteed ki aapki life,Health or Voice 3 me changes aayege.
  • Internet And Youtube : Aap yaha pe yeh post padhne kaise aaye ? Internet se na ! Google par search karne ke baad hi aap yaha aaye hona.So isi tarah aap google Par search kar ke ya Youtube par videos dekh kar Voice Improve karne ke bare me or zyada se zyada jankari haasil kar sakte hai.



Aapki bahot sare sawaal par hi maine yeh post banayi hai.So agar aap or bhi kuch help ya jankari chahte hai toh Apne vichaar comment se bata sakte hai.Ya fir hame facebook par bhi contact kar sakte hai.Apne singer dosto ko yeh post share zarur karna.Milte hai apni next post mein tab tak Take Care !

...............................................................Thanks For Reading...........................................................

Previous
Next Post »

6 comments

Click here for comments
5 October 2017 at 10:33 ×

Thanku bhaiya for resolving my problems☺😊

Reply
avatar
6 October 2017 at 21:56 ×

Thanx for give me solution

Reply
avatar
Karan Jethwa
admin
8 October 2017 at 04:27 ×

Your Welcome & Subscribe Our Blog !

Reply
avatar
Karan Jethwa
admin
8 October 2017 at 04:29 ×

Your Welcome Prince & Keep Visiting !

Reply
avatar
Thanks for your comment