30 Din Me English Bolna,Likhna Or Padhna Kaise Sikhe - Angreji Sikhe


Hello Friends,Yeh post specialy un logo ke liye hai jinki yaadasht tez hai or kisi bhi chiz ko jaldi se sikh sakte hai.Agar aapki yaddasht kamzor hai or aap bhi apni yaddasht ko powerful banana chahte hai toh Yeh Post Zarur Padhe : Automatically Yaddasht Kaise Badhaye ! English sikhne ke liye pehle bhi maine kaafi kuch jankari share ki hai.Jise aap Improve English series me padh sakte hai.Ab baat karte hai ki 30 din me english kaise sikha ja sakta hai.1 Month Me English Bolna,Likhna Or Padhna Kaise Sikhe - Angreji Sikhe
Aaj kal zamana kaafi fast ho chuka hai.Sab ko instant coffe ki tarah instant result chahiye.Isi vajah se aajkal log google par questions karte rehte hai ki koi aisa tarika bataye jise fatafat se english sikh jaye,Koi aisa tarika jise 30 din me hi english improve ho jaye.Sab se pehli baat kya yeh 30 din me english sikhna possible hai ? Yes,But sirf vahi logo ke liye possible hai jinhe 50% english aati hai or baaki english ko fluently improve nahi kar pate.Agar aapko bilkul bhi english nai aati hai toh starting se perfect english sikhne ke liye niche di hui helpful posts zarur padhe.
Angreji bolna kaise sikhe ? Apni English ko improve kaise kare ? Aise bahut se questions aapke mind me hoge.Right ? Aajkal hamare india me logo ko english na aane ki vajah se har tarah spoken english ke classess khul gaye hai or is tarah se computer institutes wale business kar rahe hai.Or aisa classess karne wale logo me se 60% logo ko puri tarah se english nahi aati.Yani ki money and time dono waste hota hai or Result kuch khaas nai milta.So is vajah se meri advice yahi hai ki aap without course ke Sirf Tips and english improve books se aasani se english sikh sakte hai.

Agar aap english language sikhne me serious hai toh aapko daily apne 3 se 4 hour ka time invest karna hoga.And amazon se ek book purchase karni hogi.Jiski cost only rs.200 ke aaspas hai.Ab sab se pehle mai aapko kuch special tips batauga jise aapko daily routine me apply karna hai and daily Englsh Improvement ki book ko padhna hai.Sirf yeh 2 kaam karne se 30 din me result aapke samne hoga.Mai yeh toh nai kehta ki 30 din me aapki english perfcet ho jayegi or aap english me expert ho jayege.But ha aisa long time (3 se 6 month) karege toh aapko better result zarur milega.


English Sikhne Ke Tarike - Improve Your English

English sikhna itna bhi mushkil nahi jitna aap sochte hai.Agar aap meri post ki tips ko puri shiddat ke sath follow karege toh aapke liye english sikhna aasan hai.Aapne kabhi socha hai ki jo log english bolte hai unhone kaise sikha ? Simple hai friends voh log bachpan se ek aese enviorment se aa rahe hai jaha Sirf english ka hi prayog kiya jata hai.Matlab ki english medium school Aur Ghar par bhi english,Isliye unka padhai me dhyan na hone se bhi english jaisi language ko aasani se bol sakte hai.Aaj ham kuch effective tarike or tips share kar rahe so aap in tariko ko dhyaan se padhiye.
  • Remove Your Fear : Agar aap english sikhna chahte hain aur english main baat karna chahte hain toh aap sabse pahle aapka english ke prati jo dar hain uss dar ko puri tarah se tyag de kyuki agar aapke man ke upar dar haavi rahega toh aap kabhi bhi english sikhne ke upar focus nahi kar payenge aur tab aap english bhi nahi sikh payenge. Isiliye aap kabhi bhi english se dare nahi balki pura hausla aur himmat ke sath english ke gahrai main jaye aur usko sikhne ka prayas kare. Tabhi aap english ko jaldi sikh payenge aur english main baat kar payenge.
  • Grammer Par Jyada Dhyaan Na De : Agar aap log english ke grammar ke upar dhyan zada denge aur har sentence ko bolte samay grammar ke hisaab se match karke bolne ki koshish karenge toh aap log kabhi bhi english main smart nahi ho payenge aur kabhi bhi saaf saaf english nahi bol payenge lekin agar aap log har waqt english bolte rahenge aur english bolte samay grammar ko baar baar yaad nahi karenge toh dheere dheere aapka grammar automatically thik ho jayega aur aapki english bolne ki speed bhi acchi rahegi. Isiliye aap log chahe sahi ho ya galat lekin firbhi humesha english bolte rahe aur apni galtio ko sudharte rahe.
  • Create Enviorment : Apne enviorment ko change karo Aue aese enviorment me raho jaha log zyada english bolte hai.Ya fir apne friends aur gharwalo se kehkar aisa enviorment creat kare.Logo ki english me batchit sunkar aap bhi english bolne logoge.Aur aapko samjh aane lagega ki english kaise bolte hai.Sune ke sath-sath aapse jitna ho sake utna english bolte rahe.Bilkul darro mat chahe voh tutifuti english kyu na ho bindass bolo.
  • Believ In Your Self : Aapko khud par confidence hona chahiye ki mai puri mehnat kar ke jaldi se english ko bolna sikh luga.Confidence Power Badhane Ke Liye Yeh Post Zarur Padhe : Automatically Apna Self Confidence Kaise Badhaye !
  • English Song Lyrics Ke Saath Sune : Justin bieber ya aapke kisi bhi favourate international singer ke gaane ko lyrics ke saath sune.Aise lyrics videos youtube par aapko aasani se mil jayege.Aisa karne se aapko song sune ka maza aayega or song kya kehna chahta hai voh samajh bhi aayega.
  • Think In English : Yah sabse important point hai, jab bhi kisi se bat kare to Hindi me soch kar use English me translate karke nahi bole, is tarah se time lagega aur kabhi bhi better English nahi bol sakoge.Dhayn rakhe apko English bolni sikhni hai na ki Hindi to English translate karna sikhna hai.
  • Kahi Par Bhi Advertisements Boards Padhte Rahe : I hope ke aapko english padhna toh aata hi hoga.Kyu ki itna toh ham school/colleges me sikh jate hai.So jab bhi kahi bahar nikle ya raste par chal rahe ho tab advertisements board ko padhte rahiye.Aisa karne se aapki reading skill improve hogi.
  • Facebook Par English Pages & Groups Join Kare : Facebook par aise bahut se groups and pages available hai jo daily english improve karne me help karte hai.So aisa pages and groups ko joi kijiye or daily uspe visit kar ke kuch na kuch sikhte rahiye.
  • Watch English Movies With Subtitle : Zydatar ham kya karte hai ki jab bhi koi hollywood movie dekhte hai toh usse hindi dubbing me dekhte hai.But ab se aisa nahi karna hai hollywood movie ko sirf english language me hi dekhna hai par ha subtitle hindi me aana chahiye.Jise aap english me sunege or hindi me padhege.
  • Watch English Learning Videos : Aapko internet par aisi hazaro websites mil jayegi jo aapko free me english tutorial videos se english sikhayege.Iske alawa aap Youtube english tutorial videos dekh kar bhi english improve kar sakte hai.
  • Make International Friends : Facebook ek aisi social networking site hai jaha par duniya bhar ke log mil jayege.Isliye aap facebook par usa,canada,singapore jaisi countrys ke friend banaye.Or fir un friend se english me chat karne ki koshish kare.
  • Magazines & Newspapers Padh Kar English Sikhe : Main janta hu ki newspaper toh aap sab padhte hoge.Lekin aaj se ab english newpaper padhna start kar dijiye.saath hi mai english books and magazines padhne ki koshish kare.Aap chahe toh internet par online english magazines,articles ya books etc.padh sakte hai.
  • Buy Book : Kisi bhi chiz ko sikhne ke liye ya learning karne ke liye book is the most important factor.So aapko koi jyada costly nahi but lowest price english learning book ko purchase karna hai.Maine niche ek best english book ki link di hai.Yeh discount link hai.Isliye aap yaha niche click kar ke Lowest price me book kharid lijiye.


English improve karne ke bare me mujhe jitne bhi tarike pata the voh sab maine aapke saath share kar diya hai.How To Improve English ? Agar aapke paas bhi english sikhna ka koi different and easy tarika hai toh please apne tarike ko comment se share zarur kare.Taki aapke dwara hazaro logo ko english sikhne me help mil sake.Post pasand aaya ho toh share & subscribe zarur kare.Milte hai apni next post mein tab tak Take Care !

..........................................................Thanks For Reading......................................................

Previous
Next Post »
Thanks for your comment