Handsome And Smart Kaise Bane - Personality Developement Tips In Hindi


Ladka ho ya ladki har koi chahta hai ki voh smart and attractive dikhe.Jise voh kahi bhi jaye uski first impression ban jaye.Or sab ussi ko dekhte reh jaye.Agar aisa karna hai toh simple hai ki aapki personality achi honi chahiye and look good hona chahiye.But good look ka kya fayda jab aapka mind hi empty ho.Aap ache toh dikh rahe ho lekin aapke paas koi knowledge hi nai hai.Aapki mind power powerful nai hai aap samajhdar nai ho.Toh fir yeh sab bekar hai sirf ek dikhawa hai.Handsome And Smart Kaise Bane
So ab aapke upar depand karta hai ki aapko kaise bana hai ? Aapka sirf dikhawe wali personality and smartness chahiye ya phir real and positive smartness chahiye ? Agar fake smartness chahiye toh Facewash se chehra clean kar lijiye or Ache kapde pehan kar bahar nikal jaiye.Or yeh post bhi mat padhe kyu ki yeh aapke kaam nahi aayegi.Yeh post sirf un special logo ke liye hai jo Real Smartness banana chahte hai and apni life me kuch karna chahte hai.

Mai aisa nahi kehta ki Khud ko taiyaar karna or show off karna galat hai.Yeh bhi zaruri hai but itna nahi jitna aap sochte hai.Iske saath aapme kuch special qualitys bhi honi chahiye jo aapke ek perfect and smart men bana de.Jaise ki,Aapko english language aani chahiye,Aapka mind powerful hona chahiye,Aapka attitude positive hona chahiye,Logo ke saath baatchit ache se kar sake etc.

Aaj ham handsome kaise dikhe or smart bane ke liye khud me konsi-konsi qualitys develope karni hai uske bare me baat karege.Dekho friends sacha smart insaan vahi hai jo apne vichaaro se khubsoorat hai na ki chehre se.Kuch log sochte hai ki mai bahut kala hu skin gori ho jaye toh mai smart kehlauga.Mujhe gora hona hai,Mai handsome kaise banu etc.Lekin dosto aisa kuch nahi hai aap yeh post aakhir tak padhe aapko sab kuch samajh aa jayega.



Smart & Handsome Kise Kehte Hai

  • Me aap sab se ek question puchta hoon.Smart And Handsome kise kehte hai ? Aap log kahege ki Jo dikhne me good looking ho voh,Personality achi ho voh Ya phir Jo attractive ho voh.Yeh sach baat hai lekin sirf 30% hi.Kyu ki 70% sachai yeh hai ki jo dikhne me kam attracive hai aisa log duniya ki har field me top ki position par hai.Jaise ki bollywood actor nawazuddin siddiqui ! Aisa Kyu ? Aisa is liye kyu ki yeh log chehre se zyada dil or dimaag se khubsoorat hai.Jis vajah se aaj unke croro fans hai or hazaro dilo par raaj kar rahe hai.
  • Me toh yahi kahuga ki god ne hame jaisa banaya hai ham vaise hi rahege ham usme jyada changes nahi kar sakte.Toh fir ham ussi baat ko leke dukhi kyu hote rahe.Itni achi life mili hai usse enjoy kyu na kare.Ham apni qualitys ko badha sakte hai.agar ham apni qualitys and skill ko improve karne me kamiyab rehte hai toh ham real smartmen hai.Or jaha tak chehre ki baat hai toh paise aate hai har kala aadmi gora ban sakta hai.Aapne bahut logo ko dekha hoga jo pehle tv shows ya movies me aate hai toh kaale hote hai and famous ho jane ke baad voh apne paise se kuch treatments karva ke apne look ko white ya change kar dete hai.Isse fayda kya hua ki Handsome bhi ban gaye or smart bhi.
  • So sab se pehle hame smart bane par dhyaan dena hai.Agar har kaam har baat me ham smart ban gaye toh handsome toh automatically hi ban jayege.Isliye sab se pehle ham janege ki Smart kaise bante hai fir janege ki Handsome bane ke kya tarike hai.Handsome kaise dikhe.Or Last me me kuch tips share kar raha hu jise aap apni skin and body ki bhi care kar payege.

Smart Kaise Bane Tips - How To Become Smart In Hindi

Aaj ke time me shakal aur akal dono apna kaam karte hai. Agar aap good loooking hai lekin smart nhi to aap koi bhi kaam ache se nahi kar payenge aur na hi koi aapko imprortant samjhega. Sabke bich apni importance banaye rakhne ke liye aur apna good impression banane ke liye thodi smartness to dikhani padhti hai chahe student ho ya businessman ya koi professional. Aaj ke time me smart hona bahut hi jaruri ho gaya hai.
  • Updated Rahe : Smart bane ke liye update rahna bahut hi jaruri hota hai. Current News, Knowledge, Duniya me kya ho raha hai, jab aisa kuch pucha jaye to aap hamesha ready rahe btane ke liye. Ye aapki smartness show karti hai. Iski vajah se aap office me apna impression jama sakte ho aur to aur ladki ko bhi impress kar sakte ho. Or life me apko ache doston ka bhi sath milta hai. Bus jaroori hai ki aap apne aapko update rakhe or smart bane. Updated rehna vaise bhi bahut jruri hai, sochiye kal koi ghatna huyi aur aapko us baare me koi khabar hi nhi hai aur achanak aapke office me Boss ne puch liya ki btao `kal jo hua vo galat hua ya shi hua` tab aapki kya reputation reh jayegi isliye regular news and updates se jude rehna chahiye.
  • Develope Mind Powers : Smart dimag se hi bana jata hai, agar aap har kaam soch samajh ke karoge to vo kaam acha hone lagta hai. Aur agr koi dikhne me lakh khoobsurat kyu na ho par agr vo har kaam ulta hi karta hai to koi uski kadar nhi karta. Smartness aur dimag ka naata ek gaadi ke doo tyres ke jaisa hai. Dimag bhagwaan ne sabko diya hai bus usko istemal kaise kiya jaye vo hamare upar hai.(Must Read : Apni Mind Powers Ko Automatically Kaise Badhate Hai )
  • Be Fit & HealthySmart banne ke liye dimag jaruri hai jaise ki apne upar padha aur Samjha. Ussi tarha dimag ke sath saath aapki health bhi fit ho to double impression padta hai. Agar apko apni personality banaye rakhni hai to acche dimag ke sath achi health bhi honi chahiye. Sochiye doston… agar aap 4 ladkiyon ke samne se gujre or vo ladkiya aapse najre na hatta pa rahi ho to kaisa lagega?….. Definitely acha hi lagega. Aisa me aapko koi naam mil jate hai jaise ­ Smarty, Hero etc. etc…. Isliye apki shakal kitni bhi acchi hi kyu na ho, health bhi achi hai to aap dusroo ke liye attractive ban jaate ho.(Must Read : Ghar Par Fit Body Kaise Banaye Without Gym)
  • Improve Your Dressing Sense : Doston, kisi ki personality ko chaar chand lgaane me jo cheez sabse effective hai vo hai `Dressing Sense` yani ki kapde pehan-ne ki samajh. Smart rahne ke liye hume apne dressing sense ka bhi khayal rakhna padta hai. Office me kis tarah ke dressing pehanne chahiye, party me kis tarah ki dress pehanni chahiye is cheez ki samajh honi chahiye aur hume inka dhayan bhi rakhna chaiye. Kyuki agar koi bhi stranger aapko dekhega to sabse pahle aapke kapde, Shoes, cell phone ko hi dekhega. Aaj kal yeh dekh kar second person humare bare me apni soch bannane lagta hai. So, jaruri hai ki yeh choti choti cheeeze tip top rahe kyuki dosto first impression is the last impression, aapne suna hi hoga.
  • Be Happy And Smile : Smart look ko nikharne ke liye agar aap khush rahenge to aas paas ka atmosphere automatically happy ban jayega. So, doston hamesha khush rahe or dusron ko bhi khush rakhe. Smile karte rahiye, yakeen maniye aap Smile karte huye behad khoobsurat aur smart lagte hai.
  • Books Padhe : Aaj ke time itna advance ho gya hai ki aapko har time apne aapko up-to-date rakhna padta hai. Aaj kal to bache bache ko din duniya ka pta rahta hia. So agar aap bhi apne aapko up-to-date rakhna chahte hai ya apne dimag me dher sari information ko store karna chahte hai to mere doston different different type ki books ko padhte rahe. Main to kehta ho ise aap apni habit hi bna le kyuki books read karne se humare knowledge ka pitara khulta hai, humari soch ko ek high level milta hai. So doston agar aap bhi aisa chahte hai to just read a variety of books. Aur aaj hi apne liye books le aaye.
  • Talk To Yourself : Apne aap se baate karna kya acha hai? Aap ye sochte honge na. Log bhi bolte honge pagal hai ye to. Log ko jo marji bolne do but hum aapko btana chahte hai ki apne aap se baate karna acha hai but jab aap akele ho tab. Group me apne aap se baat karna pagalpanti hi hogi. But akele baat karna bahut acha hai. Baato baato me problem ka solution nikal jata hai. So doston main advice dunga ki aap ye trick jaroor use kare. Apne liye roj 15 min khud se bat kare aur soche ki aaj aapne kya acha kiya aur kya galat? Phir apni galti ko sudharo next day se.
  • Good Behaviour : Logo se smartly behave kare kyuki ye ek smartness ki nishani hai. Example ke liye… agar aap dusri city jaate hai or aap logo se nicely behave karte hai to log bhi return me anjan desh me aapki help karenge or aapke bich me stranger vali baat bhi nhi rahegi or sirf itna hi nhi, naye logo se baat karke aap unse bahut kuch sikhte bhi hai so doston be nice to people. And always be ready to learn something new. Jaha par bhi aapko kuch sikhne ko milta hai, shy ya hesitate karne ki jarurt nhi, just go ahead and learn that. Aapko nhi pata ki aapka aaj ka kuch sikha huya kal kab aur kaha kaam aajaye.
  • Learn English : Aaj ke time english sikhna bahut hi jaruri ho gaya hai.Agar aapko kisi job interview ke liye jana ho.kisi competitive exam ko crack karna ho ya kisi bhi professional kaam me english is main required language.Aap bhi jante hai ki English aapki smartness ko prove karti hai.English koi hard language nahi hai ise ham simply bhi sikh sakte hai.English sikhne ke liye yeh helpful Post Padhe : 30 Din Me English Kaise Sikhe ?
  • Grow Your Confidence : Kisi bhi kaam ko karne ke liye or smart bane ke liye aap me ek bahut acha confidence power hona chahiye.Jitni jyada confidence power hogi utne jyada aap smart lagoge.Confidence power ko develope karne ke liye Yeh Post Padhe : Automatically Self Confidence Kaise Badhaye ?

Handsome Kaise Bane - Handsome Dikhne Ke Tarike - Sundar Kaise Dikhe

Hi Handsome ! Yes boss,Mai aapko hi keh raha hu Hi Handsome ! Har insaan handsome hai.Kon kehta hai ki aap handsome nahi hai ? Kabhi apne khud ke andar jhaak kar dekho aapko aisi hazaro qualitys and skills apne andar mil jayegi jo prove karti hai ki aap ek smart,handsome and intelligent person hai.But problem yeh hai ki bahut se logo chahte hai ki voh apne face se handsome dikhe smart dikhe.So iske liye kuch simple se tarike or tips hai jise daily follow kar ke aap hansome dikh sakte hai.
  • Be Confident : Confidence ye ek esi cheez hai jiske hone se samane wale par acha effect padta hai. Samne wala bhi kahta hai ki, “bande me kuch to baat hai”. Agar aap confidence ko miss kar rahe hai to apne andar confidence le kar aao. Isse koi farak nahi padta hai ki aap kaise dikhte ho, kaise kapde pahante ho bs confidence hi aapki ye kami puri kar deti hai. Khyal rakhe ki samaaj me banawati na bane. Banawati pahchan kisi se chupi nahi rahti wo jaldi hi pata chal jati hai. Aap jaise hai wese hi rahe bus apne me thodi changes kar le.
  • Keep Smiling : Face par smile sabse acha tarika hai samane wale ko show karane ka ki aap kitne cool, khush, confidence ho. Jab aapke face par smile rakhegi to samne wala bhi aapse ache se khusi se baat karega. Face par smile rakhe ke bahut se fayide hai, ese me aap kush aur confidence feel karoge, agar samne wala tention me hai to aapki smile dekh kar thodi der ke liye tention bhul jayega, ladkiyo ko jyadatar smile wale ladke pasand aate hai, aapki muskurahat kisi ko khushi de sakti hai.
  • Ache Se Baat Kare : Handsome dikhne ka ye mtlb nahi hai ki bs dressing sense acha ho to handsome ban gye. Aapki boli, bolchal ka bhi ek aham role hai. Aap kis se kaise baat karte ho ye bahut matter karta hai. Agar aapki bolchal dusaro ke samane achi nahi hogi to agle ki najar me aapka impression bahut ganda padega, chahe aap apne aapko jitna marji bahar se saja lo koi fayida nai. Agar aapki bolchal sabhi se achi hai to aapka impression pahle se hi acha pad jata hai. To dhyan rakhe ki aapki boli hi hai jo dusaro par prabhav dalte hai.
  • Exercise Kare : Exercise karne se aap apne aapko acha feel karoge aur aap fit and fine bhi rahoge. Aap yoga kar sakte hai jisse aapko confidence, power aur bahut kuch hasil kar sakte hai. Agar aapko body banane ka shouk hai to aap gym join kar sakte hai, isse aap apni body ko maintain kar sakte ho.Agar aap Ghar par hi fir and healthy body banana chahte hai toh Yeh Post Padhe : Ghar Par Fit And Healthy Body Kaise Banaye Without Gym !
  • Face Ko Clean Kaise Kare : Sab se pehle hame koi dekhta hai toh uski nazar hamari eyes par padti hai.Fir chehre (face) par,Or laast me puri body personality par.Isliye Face ko clean and fresh rakhna zaruri hai.Face ko clean rakhne ke liye aap facewash,natural facepack etc.ka use kar sakte hai.Agar aapka question hai ki face ko white kaise kare toh hame comment se zarur bataye ham chehre ko gora karne ke tips zarur share karege.
  • Suitable Hairstyle : Most of logo ne aaj tak hair cutting karvaye hoge par kya kabhi kisi ne face shape ke hisaab se hair cutting karvaya hai ? Nahi na ! Aap google par search karna aapko ek face shape ka chart milega jisme hamari upar konsi hairstyle suitable hogi.Uske bare me jankari di hoti hai.Isliye jab bhi hairstyle kare koi aisa hairstyle kare jo aapke face ko suitable ho.
  • Ache Kapde Pehne : Me aapko yeh nahi kehta ki ache kapde matlab aap Top brands ke mahenge kapde pehne.But aap voh kapde pehne jo aapki personality ko suit karte ho.Hamesha apna dressing sense acha rakhe.Kapde clean and Gool looking hone chahiye.
  • Be Prepare : Final tips yahi hai ki aap all over totally ache se prepare ho jaye.Jaise ki Ek perfect hairstyle kare,Apne face ko clean rakhe,Ache goggles le lijiye,Shoes ache kharide,Suitable garments lijiye etc.Iss tarah aap totally unique and handsome dikhege.
I know friends ki is metter se realated aapke mind me or bhi questions hoge.Jaise ki,Khubsoorat kaise bane,Smart personality kaise banaye.Smart personality tips in hindi,Chahre ko gora karne ke tips,Chehre ko sundar kaise banaye,Healthy rehne ke tips,Face ko white kaise kare,Smart and Intelligent kaise bane Etc,Or hamne aise questions ke upar bahut se helping posts share ki hai.Jiski link mai niche share kar raha hu.Yaha link par click kar ke aap direct post ko read kar sakte hai.

Friends,Aap chahte hai ki koi topic hai jiske bare me main post share karu toh must comments ! Hame comment kar ke zarur bataye ki aap konse topic par next post chahte hai.Agar topic sach me sabhi ke liye helpful hoga.Toh ham next post aapke topic par share karege.Post ko share karna mat bhule.Milte hai apni next post mein tab tak Take Care !

.........................................................Thanks For Reading......................................................

Previous
Next Post »
Thanks for your comment