20 November 2017

100% Success : Chota Business Kaise Start Kare


Hello Friends, Kuch din se me regular post nai likh pa raha toh aap sab ko dil se sorry ! Meri exams hone ki wajah se me blog ko time nai de pa raha tha. Aaj fir ek naye topic ke saath aaya hoon. How to start your small business ? Aaj internet & youtube par business ke bare me itni sari informations available hai ki koi bhi banda bina ek paise kharche free me business sikh sakta hai. But phir bhi log kuch kar nahi paate, Apne business ko lekar soch me rehte hai, Kya kare ? Kaise kare ?100% Success : Chota Business Kaise Start Kare
Pehle yeh samajh lete hai ki business me hota kya hai ? Aapke paas koi idea hai jise lekar aap business karna chahte hai ! Right ? Ab business start karne se pehle bahut se sawaal hote hai. Jisme sab se pehla hai business ko chote budget se kaise start kare, Kam budget me high profit business kaise kare Toh dosto yeh sab depand karta hai ki aap konsa business start kar rahe hai. Agar aap khud ka gym start kar rahe hai toh definately lakhs of rupees ka investment hoga. Issliye sab se pehle koi aisa business plan pasand kare jise low budget me kiya jaye taki business risky na ban jaye. Agar aapko business ideas ke bare me nahi pata toh yeh Post Padhe : 16 Small Business Ideas With Low Investment & High profit !

Upar di hui post bahut hi important hai. Usme maine sab kuch puri detail me bataya hai isliye ho sake toh usse zarur padhe. Okay so small business kise kehte hai ? Small investment & less people yaani ki kaam paise or kam logo me jo business start karte hai usse small business kaha jata hai. Aap kisi bhi successful company ko dekh lijiye uski sharuaat choti hi hoti hai. Fir dhire dhire aage chal kar ek badi company ban jati hai. Koi bhi expert businessmen hamesha choti hi sharuaat karta hai. Isliye agar aapne chote level se business ko grow karne ke bare me socha hai toh yeh bahut badhiya idea hai.

Small Business Kaise Start Kare

jaisa ki maine kaha chote business ko start karna hai toh idea bhi vaisa hi hona chahiye jo kam paiso me ho sake. For example ki aap samosa ki food shop start karte hai toh yaani ke yeh small business idea hai jise aage chal kar grow kiya ja sakta hai. ab small business kaise start and grow karte hai uske bare me discuss karte hai.

1.Collect The Informations

  • Me maan kar chalta hoon ki aapne chote business ke liye koi chota sa business idea soch rakha hoga. Vahi samosa wale example ke saath aage badhte hai. Maan lijiye aap bahut ache samose bana lete hai ya aapne kahi se ache samose banana sikh liya hai.
  • So ab sab se pehle aapka vision yeh hona chahiye ki me apni city ke sab se teasty samose bana kar sab ko khilana chahta hoon. Yeh nahi ki mujhe bahut saare paise kamane hai. Yaad rahe dosto paise par nahi apne service or quality par focus karna hai. Tabhi aapka small business grow ho sakta hai.
  • Ab aapne thaan liya hai ki me sab se best samose banauga or apna business issi se grow karuga. Toh ab aapko internet par jana hai or samose ke bare me jitni bhi details mile woh sab jaan leni hai. For example aap youtube par ja kar videos dekh sakte hai ki kitne flavours ke samose banaye ja sakte hai ? Kya isme me kuch apna kar sakta hoon.
  • Iss tarah se aap internet and youtube par se sikhiye or uske saath experiment kar ke apna naya product create kare. Jise kisi bhi customers ka aapke product me interest bana rahgega. In short aapko sabhi jagah se aap jo bhi karna chahte hai uske related bahut saari informations collect karni hai.

2.See Your Business Future

  • Kisi bhi business ka future jana bahut zaruri hota hai. For example aap 4 lakh ka invest kar ke garment shop start karte or aapki city me aisi or 15 garment shop hai toh socho ab kitne percent chances hai ki aapki shop chale ?
  • Dosto paise kam hai or business ki starting hai toh ho sake utna competition se bache. Aisa direct competiton me jane se nuksaan ke alawa kuch nahi milega. Isse better hai ki aap koi aisa business kare jisme competition and investment dono hi kam ho.

3.Do Something Special

  • Zyadatar log karte kya hai ki ek hi business me bahut kuch karne ka sochte hai. Jaise ki me ek garment shop kholuga jisme ladies,gents,kids sab ke liye kapde hoge saath me mein shoes bhi bechuga. Toh dosto yakin maniye aap jyada kuch nahi kar payege.
  • Aapka focus jitna clear hoga utna acha hai. jaise ki aap sirf Jeans sell karte hai. Toh starting me aapke liye bahut achi baat hai kyu ki aap limited budget me chahe utni jeans la sakte hai or aap puri city me se jeans ke specialist bhi kahe jaoge.
  • Business ke starting me ho sake utna kam product hi rakhe. Or jo product rakte hai sirf ussi par focus kar ke usse sell kare. Yeh small business ke liye bahut zaruri hai.

4.Turn Informations Into Plan

  • Informations collect karne ke baad ab uske sahare business plan create karna hai. Aapko yeh toh clear ho gaya ki kya karna hai Yaani ki samose ki dukaan kholni hai. Fir aapko yeh pata karna tha ki quality kaise banaye so aapne woh bhi sikh liya ki testy samosa kaise banate hai. Ab aapko zarurat hai ek perfect business plan ki jo aapke samll business ko big banane me help kare
  • Aap soch rahe hoge ki business plan kaise banate hai ? Aap simple ek notebook lijiye or usme note kare ki aapko business start karne ke liye kya kya chahiye ? Kin kin chizo ki jarurat hai ? For example samosa shop start karne ke liye rent par ek dukaan chahiye, Fir samosa banane ke liye kuch chize chahiye jaisa gas,food ingrediants etc. Or ho sake toh starting me aap apne kisi dost ko bhi business me hire kar sakte hai taki business ko manage karne me aasani ho.
  • jo bhi important points aapke mind me chal rahe hai un sabko notebook me likhna hai. Itna karne ke baad jab aap finaly notebook dekhte hai toh pata chal jayega ki kitna investment karna padega. Maan lijiye sab mila kar aapka hota hai 30,000 rupees. So ek new business starting ke liye yeh ek achi rakam hai. Agar aapke paas paise nahi hai toh aap bank me loan ke liye bhi apply kar sakte hai.

5.Research And Start Your Business

  • Ab aapke paas 3 chiz hogi business plan, Money, Or aapka koi dost jo business me help karega. Small business start karne ke liye yeh 3 basic requirement hai. Itna hone ke baad ab aap aage ke actions le sakte hai.
  • Aap jo bhi karna chahte hai usse related pura research kar lijiye taki aapko pata chal jayega ki aapke business me log kya galtiya kar rahe hai or usse improve kar ke aap kaise apne business ko grow kar sakte hai.
  • For example aapki city me 6 aisi jagah hai jaha par teasty samose milte hai toh aap yeh 6 jagah par visit kare or research kare ki log yaha khaane kyu aate hai ? Inke samose itne teasty kaise hai ? Aap inse bhi best samose kaise banayege ?
  • Aise questions karne par aapko answer mil jayega ki Samosa ka price sab se kam rakhna hai, Samose me quality banaye rakhni hai, Har jagah par vahi purana samosa hota hai lekin me 6 flavours ke alag alag samose duga, Koi home delivery nahi karta par me 100 rs ke samose kharidne par 1km tak free home delivery service provide karuga.
  • Aisa research karne ke baad aapko automatically pata chal jayega ki business kaise grow hoga. Maan lijiye aapke city 20,000 people ka population hai. Usme se starting me aapne marketing kiya. Jiski vajah se daily 40 log samosa khane aate hai or home delivery service ki vajah se din me 10 call aate hai.
  • Business ki Terms and condition ke hisaab se aap 10 home order 100rs ke karte hai yani 100✖10 = 1000 rupees Plus 50 plate samose shop par bike.Maan lijiye ek plate ka aap 20 rs lete hai toh 50✖20 = 1000. Yaani ki kul mila kar ek din me aap minimum 2000 rupees ka profit kar sakte hai.
  • Is tarah se sab perfect calculation and research karne ke baad apne business ko start kar dijiye or us par sahi tarike se smartwork kare.

6.Low Investment Marketing

  • Business chota ho ya bada marketing karna dono ke liye important hai.Kyu ki without marketing customer ko pata hi nai chal payega ki aapke paas itna acha product hai. Ab marketing karne ke liye hazaro tarike hai par yaha par hamne small business ko dhyaan me lekar baat ki hai toh marketing bhi kam budget me hi karege.
  • Vahi example ke saath chalte hai, Samosa shop start karne ke baad aap simply pemplates chapa lijiye or usse newspaper me dalva dijiye itna sab kuch 1000 ke andar ho jayega. Fir aap banner bana kar apni citys me lagva sakte hai. Banner aisi jagah par lagaye jaha lagane ke paisa na ho or sab ko dikhayi de.
  • Small business me sab se zyada marketing mouth to mouth hoga. Yani ki jo bhi customer aapke shop par aata hai woh dusre 3-4 logo ko batata hai ki yaha par samosa bahut teasty or sasta milta hai. Isliye dosto aap aisa marketing chahte hai toh ho sake utna apne samose ko best banaye yaani ki apni quality ko sab se best banaye. Jise koi bhi aapke product ka diwana ho jaye.

Post ke end me itna hi kehna chahuga ki business ki starting bhale hi choti ho lekin ending badi honi chahiye. Business start karne se pehle khud se vaada kar lijiye ki mai Iss business ko apni field ka sab se best business banauga Or customer ko sab se best quality provide karuga. Agar aap iss attitude ke saath business me work karte hai toh aapke business ko grow hone se koi nahi rok sakta.

Friends ham dosto ne mil kar ek panipuri start ki thi or uss business ko hamne grow kiya tha jise mujhe bahut kuch sikhne ko mila hai. Iske alawa bhi mere paas business ko lekar kafi experiance and knowledge hai so agar aapke mind me koi bhi sawaal ho toh hame comment box se puch sakte hai. Milte hai apni next post mein tab tak Take Care !

...........................................................Thanks For Reading....................................................

0 comments: